Fyrirtækið Sparnaður ehf. var stofnað árið 2002 sem sölufyrirtæki til sölu á tryggingum og fjármálatengdum afurðum. 

Árið 2007 fékk Sparnaður umboðssamning við þýska fyrirtækið Versicherungskammer Bayern vegna sölu og þjónustu lífeyrissparnaðar. 

Árið 2014 stöðvaði Seðlabanki Íslands nýsölu á erlendum lífeyristryggingum vegna gjaldeyrishafta. Þó var erlendu lífeyristryggingafélögunum heimilt að viðhalda þeim samningum sem höfðu verið gerðir fyrir árið 2014. 

Árið 2019 ákvað Versicherungskammer Bayern að koma aftur inn á íslenskan lífeyrismarkað í gegnum dótturfélag sitt Saarland Versicherungs og vátryggingamiðlunina PM-Premium Makler. 

Sparnaður er með þjónustusamning við PM-Premium Makler. 

Iðgjaldainnheimtufélagið Premium er með samning við Versicherungskammer Bayern um iðgjaldainnheimtu og aðra þjónustu við viðskiptavini s.s. gerð yfirlita og útgreiðslur.